أغنية من التراث المطوي
كنت مربّيه، غزالي اللّي كنت مربّيه
شيّعتا لدار امّاليه
غزالي الربّيتا و كسبتا من رزڤ حلالي
لو كان دريتا يا خوتي هكّة يجرالي
لو كان دريتا يعملّي جفلة و العيطة
راني خلّيتا في بيتا و ما نخسرش المال عليه
غزالي الليّ كنت مربّيه..
نبغي الشكشوكة و لحم و مرڤة لفتيّة
خبزة معروكة بسميد و عجين يديّا
خبزة بصاعين ندّيها للكوّاش في الحين
و ينادي عليّ بصوتين
نخرجلا فيسع و نجيه
غزالي الّي كنت مربّيه..
ڤاتلا يا خالي و أنا على زولك ماذا بيّا
يتمّ هبالي بلادك ما صلحتشي بيّا
بلادك نعرفها و تشكرلي فيها و اشنيّا
مشومة ما أحرفها خدمتها مرّة وڤويّة
مرّة و ڤويّة ماليها يهزّوا الحلبيّة
مغزلهم طيّبلي ايديّا و منسجهم ما ڤدرت عليه
غزالي اللّي كنت مربّيه..
انتي ڤولك صادڤ يا طفلة أمّا الحڤيڤة
أمّا أنا عايڤ تبغيلي طبّعة رڤيڤة
نكوي طبّاعة تجيني على راس الڤبّاعة
فمّش ما عڤلي يتواعى و يرجعلي عڤلي و نريه
غزالي اللّي كنت مربّيه..
الاشتراك في:
تعليقات الرسالة (Atom)
هناك تعليقان (2):
Un très beau blog! Félicitation et bonne continuation :)
Désole g pas de clavier arabe
مشكور على المودونة الرائعة ونحنو ندعوك للاشتراك في منتدى مطاوى اون لاين موقع المطاوى بايطليا نتمى ان تكون عضوا في اسرتنا تفيد و تستفيد
http://www.hba7.com
webmaster@hba7.com
إرسال تعليق